Imbah tahu kanyataannya Galuh Bengkeng sudah ada nang badatang, Utuh Cangkal wahini pina kulir bagawian. Mun dahulu bilang hampai bapisat dada, liir paluh sampai kasasalawar. Wahini janganam bukah badapa-dapa, paribasa bajalan salingkang gin kada tagawi.
Duit nang sudah takumpul dipakaikan Utuh Cangkal gasan nukar nang macam-macam. Mulai tungsis sampai tunggul nyiur ditukarnya. Kakawanannya ada nang manyambat nitu supaya kawa kada maingatakan lawan Galuh Bengkeng lagi. Abahnya Utuh Cangkal lalu ai asa maras malihat anak nang pina parak gila kaya nia.
"Baisukan ni kam aur kah, tuh?" ujar nang abah bagimitan mamandiri Utuh Cangkal nang kukurikih tanah di halaman.
"Aur banar bah ae nah. Napa te?"
"Ai, aur napa ikam tu? Baya kukurikih di tanah kaya nitu aur lah jar?" nang abah bingung wan sangkal-sangkalnya mandangar sasahutan nang anak.
"Ulun malukis muha Galuh Bengkeng lagi nah..."
"Subhanallah... Ampih-ampih nak ai, kaina abah dunlutakan gambar Isyana Sarasvati hj nh. Satumat ah k warnit kaina. Tapi ginii abah hulu maangkat lukah."
"Isyana Sarasvati!? Bujuran bah? Kasi nah, di mana te pian mamasang lukahnya?"
Singkat kisah, hampai buhannya di lukah nang pacang diangkat, abahnya Utuh Cangkal mambuka pamandiran pulang.
"Bujuran kah ikam masih mangganang wan Galuh Bengkeng, Tuh?" takun nang abah langsung, kadada babuang pandir dahulu.
"Haha... Pian kd usah dangarakn pamandiran urang bah ae. Ulun nih taguh pada nang paling taguh sudah. Ulun yakin haja Allah sudah maatur akan," sahut Utuh Cangkal lihum.
"Imbah pang napa ikam wahini pina kulir bagawian? Tadi jua bapadah malukis gambar Galuh Bengkeng di tanah... "
"Cah hah, daripada urang handak baulah kisah banar ae tu. Padahal dasar sunyi jua ae gawian. Mun ulun malukis tadi, daripada handak maudak pian banar ae."
"Ooh, damintu kh? Baik ai tu. Jadi pang, siapa gagantiannya nih?" takun abahnya pulang sambil beangkat-angkat alis.
Mandangar tatakunan nang kada ditangguhnya pacang ditakunakan abahnya ngini, lalu ai Utuh Cangkal kisah aur maangkat lukah
Tidak ada komentar:
Posting Komentar